marlies abroad.....

I muess eu nomol uf de Link verwiese: http://marlies-abroad.magix.net

Do gsehnd er naemlich nid nur die groessere Fotis, meistens hani au no meh Fotis doet als uf dem Blog. Es got aebe z`lang zum jedes einzeln uf de Blog lade.

Vo jetzt a schriibis immer wenn ihr unter dem Link meh Foeteli aluege koend, und au no unter wellere Kategorie...ha alles muese ordne, suss hani en riese durenand =)

von marlies-abroad um 04:41 | Kommentare (0) | Trackbacks (0)

Mit dem Franzos simmer in Akaroa gsi...im Summer ischer River-rafting-guide und im Winter holt er die verletzte Persone vode Skipiste. Intressante Bruef...

von marlies-abroad um 04:29 | Kommentare (0) | Trackbacks (0)

Die Wuche simmer au mol no go d`Kathedrale aluege....

von marlies-abroad um 04:21 | Kommentare (0) | Trackbacks (0)

Im Usgang hani mi scho paar mol gfroget, warum do paar komischi Gstalte no komischer tanzed. D`Antwort isch: Party Pills. Da isch fast s`gliiche wie Ecstasy, nur 1 Substanz isch anderst. Und bide Zuelassig haet d`Regierig nid gwuesst dasses wie Ecstasy wirkt...drum haends es als legal igstuft. und wos den usecho isch dasses e Droge isch, haet Regierig denkt, wenses verbuetet, denn koends de Konsum (und somit au d`Abgob a Minderjoehrigi) nuemme kontrolliere. Es git aebe verschiede starki Pille, die unter 18 koemed die schwaechere ueber...Aber jetzt ischs Problem dass d`Verkaufer s`Alter vode Jugendliche nid kontrolliered! Naja, Neuseeland isch eifach strub: Ecstasy kunnt me ueber, aber Alkohol (inkl. Bier) doerf me erst ab 18ni kaufe und trinke. Defuer koends mit 15ni anfange Autofahre, da isch eifach komisch =)

Die Infos hani denn vonere Lehrerin....

von marlies-abroad um 04:09 | Kommentare (0) | Trackbacks (0)

Falls i heiweh haetti, koennti sogar am andere End vode Welt im Swiss Cafe Fondue esse :-) Git Schoggi und Kaesfondue =)

von marlies-abroad um 04:00 | Kommentare (0) | Trackbacks (0)

Endlich hani (heimlich) e Foti gmacht vom Saudi us minere Klass. Er haet sich als min Islam-Techer entpuppt, willi en uuu viel gfroget ha :-) i denk, alli wo mi guet kenned saeged jetzt: typisch Marlies, frogt immer so viel ohni Skrupel =)

I ha mi halt mit Saudi-Arabie bis jetzt no nie so usenandgsetzt, drum hani alles erfroge muese :-) i ha mi halt scho, warum Fraue i dem Land anderst behandlet werdet...aber er isch sehr geduldig gsi und haet jede Tag gfrogt oebi neui Froge ha und haet mir abote, dassi aaaalles ka froge wa mi intressiert. Nochem 3. Frogetag haet er mir denn so e Buechli ueber de Islam uebers Wucheend geh, nocher hani fast kei Frog me ka. S`Buech isch aber uf Englisch gsi, har gar nid alles verstande...isch aber glich intressant gsii =)


Er heisst uebrigens Abdulaziz (weiss doch au nid wieme da schriibt =))

von marlies-abroad um 03:52 | Kommentar (1) | Trackbacks (0)

I hammer gester no e Weltkarte kauft, willi vielfach en durenand mit de Laender ha. Und es isch nid so lustig zum ueber e Land rede und i weiss nid sooo gnau wos isch...Woni da de anderne verzellt ha haemmer d`Karte agluegt und sicher e Stund Laender gsuecht und jede haet was neus glernt. d`Schwiiz haends usglacht wills so e klises Land isch :-(  aber wommer ene denn Lichtestei und de Vatikan zeiget haend, sinds still gsi =)

Bis jetzt hani jo immer gmeint, i bi grotteschlecht in Geografie. Also i mein noed, i bis =) Aber gester hani 2 Saudis gfunde, wo no viiiel schlechter sind! De Faisal isch eine vo dene beide....

Es isch eifach de Hammer: Sie haend gmeint, dass Neuseeland in Europa isch :-) Erst nochem bueche haends nogluegt wo Neuseeland isch. De eint haet sich noch de Buechig gwunderet, wieso dasser mit Singapore Airlines nach Europa fluegt. Denn haet er mol im Internet nogluegt und usegfunde, dass Neuseeland absolut nid in Europa isch! Ues haets fascht umghaue vor lache :-)

Ade Schuel hani nomol 2 Schwiizer/in entdeckt wo die Wuche agfange haend, aber si koemed us Montreux und Friboug. Ha drum sogar no bitz franzoesisch gredet und sie duetsch...=) aber uf Englisch isch uesi Konversation duetlich besser gange...:-)

von marlies-abroad um 00:46 | Kommentare (0) | Trackbacks (0)

De Saudi heisst Faisal, isch en lustige....

Da isch de Mohammed und de Mohammed =)

Yumiko us Japan: Sie haet usegfunde dass mini Auge wie en Regeboge sind =) isch herzig, i weiss aber noed warum. wenn mini Auge blau waehrend waers jo no oke, aber i ha brun-grueni, langwiiligi auge, nix Regeboge :-) Aber sie isch e luebi!

Jay us Korea und Chicca (sie heisst wuerkli so in Japan =)...

D`Chicca isch oeppe 25, gseht aber uuu viel juenger us. Aber sie haet en intressante Job: Sie designt Hochziitskleider =)

`Kaz` us Japan und irgendein us Duetschland...Helmut oder so =)

Doeri vorstelle, da isch de Vincent. Er isch wuerkli en glatte Vogel, er frogt immer noch Themene, wo sich suss kein Mensch gedanke macht. e Bispiel vo sine Froge:

- Wa wuersch mache wenn din Sohn e Maitli wills si oder dini Tochter en Ma? Sini antwort isch uebrigens, dasser sis Kind umbringe will!! Also nei =)

- Wa wuersch mache wenn dini Fruendin 15 oder 20 Johr alter waer als du, wuersch sie trotzdem huerote?

- Willsch viel Geld fuer dini Hochziit usgeh und wo magsch huerote, imene Tempel (bzw. bi ues halt ide Kirche...) oder im Hotel?

Also bi paarne Froge frogt me sich, wa i sim Kopf vorgot :-) I mach mir doch kei Gedanke ueber so Zuegs =)

von marlies-abroad um 00:32 | Kommentare (0) | Trackbacks (0)

Wuer mi no intressiere wa da fuer en Vogel isch. Isch kli groesser als e Moeww und sie woerfed Muschle waherend em fluege an Bode zums ufmache. Villicht weiss jo oeppert vo eu wie er heisst? I cha jo e Quiz druss mache: Wers usefindet kunnt e Kiwi-Schoggi ueber :-) Ha gester no 2 kauft, zums als Souvenir hei schicke...denn haend mi alli dum agmacht willi jo us de Schwiiz kum, usem Land mit de beste Schoggi, i muess sicher kei Kiwi-Schoggi (haet Kiwi-Stueckli dinne, ha sie aber nid probiert...) kaufe =)

von marlies-abroad um 00:20 | Kommentare (0) | Trackbacks (0)

Am Sonntag waren wir am 2. und schoeneren Strand der Stadt. Sumner Beach ist viel intressanter als er erste...

Wirklich strub: Am Anfang des Strandes, wo in der Karibik Palmen waeren, hat es hier tannenaehnliche Baeume. Darum schwamm auch ein Tannzapfen im Meer, fuer mich ist das sehr neu  =)

von marlies-abroad um 02:21 | Kommentare (0) | Trackbacks (0)

Am Samstig bini mit de Antonella und eme Franzos nach Akaroa, etwa 2 Stunden von Christchurch entfernt. Akaroa ist bekannt fuer Delphinschwimmen, Robben und kleine Pinguine. Leider kam unser Bus aber so spaet an, dass wir zu spaet waren fuer eine Tour :-( Wir haben uns dann fuer eine kleine Wanderung auf einen Huegel entschieden...Muskelkater am naechsten Tag war vorprogrammiert =) 

Aussicht waehrend der Wanderung...

Ich habe hier noch keine einzige braune Kuh gesehen, wie in der Schweiz :-)...

....dafuer einen schlafenden Igel am Strassenrand...

von marlies-abroad um 02:06 | Kommentare (0) | Trackbacks (0)

Da sind mini sisters: Antonella us Chile und Caritas us Korea (sie isch 55)

Und do isch no d`Margareth, uesi Homestay-Mueter. De ander isch en Ex-Student us Japan wo uf bsuech verbicho isch...

Da isch eres Hus: S`Hus isch gad anere grade Strecki, und es rased u viel mitem Auto dure. Do kamme naemlich scho mit 15ni afange mit Autofahre, da isch nid ganz normal =) dementsprechend haets halt au sonigi wo wennd luege wie schnell eres Auto isch, d`Stoss isch scho ganz schwarz vode Pneus...

von marlies-abroad um 01:58 | Kommentare (0) | Trackbacks (0)

So, da isch jetzt mini letschti Schuelwuche. Bi froh dassd Schuel verbi isch, freu mi mega ufs Reise. Also d`Schuel do wueri nid nomol waehle, haet mi nid so ueberzuegt. Aber aebe, sind jo nur 4 Wuche gsi zum Glueck :-)

I reise mitere Busgsellschaft, Magic Experience. Die arbeitet mit de Jugendhostels zaeme, doet schlofe denn amel. I ka immer selber sege wieviel naecht dassi a 1 Ort verbringe will, bi also voll frei =)

Do isch mini Reiseroute:

 
Ine paar Taeg gits wieder neui Foeteli, jetzt kumi aebe nuemme noh mit iitraeg schriibe. Mol no paar Antworte uf die meistgfrogte Froge per Mail:
- Thema Neuseelaender: Nei, i ha bis jetzt keine kenneglernt ussert ein Homestay-Brother vode Brasilianerin
- Thema Homestay: Fotis koemed sobald i mol ziit ha :-) Sie isch e lustigi Frau, Kind sind scho uszoge. Aber langsam froti mi, oeb sie echt e Alkohol-Prolem haet, sie isch immer am Wii trinke :-) Sie macht aebe de Wii selber us Berri und so Fruecht, eifach nid us Wiitruube wies mir kenned. Aber sie kocht sehr guet....
- Thema Asiate: Sie nerved mi eigentlich noed, i amusier mi sehr a ene :-) Bi paarne frogi mi amel oebs no alli Tasse im Schrank haend, aber sie sind glaubs eifach anderst. Am Morge putzt me sich aber anschine in Korea Zaeh noed, da  stoert mi extrem. Haut mi amel fascht um wemmer ide Schuel rede muend :-( PFUI

von marlies-abroad um 01:31 | Kommentare (0) | Trackbacks (0)

I ha eu bis jetzt verschwiege dasser -sofern er wennd :-)- mini Foeteli in Vollufloesig aluege choed:

http://marlies-abroad.magix.net

Do regnets leider scho sit 2 taeg, drum isches au recht kuehl...ohni sunne ischs au do noed wuerkli warm :-) Huet morge isch uese bus eifach nid ko, und ide schuel haemmer d`regle, dassme nid is klassezimmer doerf wemme meh als 10 minute z`spot isch! jo super, mir haend 40 minute uf de bus gwartet, wo denn durch d`stadt grast isch wie gstoert...schlussendlich simmer 30 mintue z`spot id schuel cho und haend drum ueber 2 stunde gwartet uf die noechst pause, denn doerf me wieder is zimmer! scheiss regle, scheiss bus  :-)

von marlies-abroad um 22:16 | Kommentare (0) | Trackbacks (0)

von marlies-abroad um 02:58 | Kommentare (0) | Trackbacks (0)