marlies abroad.....

Has mol gschafft zum paar foeteli uf die ander page lade....isch extrem lasch do im Margaret River und es isch unmoeglich zum wiitergo nach Albany und Esperance ohni Mierauto =( sprich min Reiseplan got nid uf...go zrugg uf Perth und vertrieb doet mini Ziit bisi mitem Zug nach Adelaide fahre ka inere Wuche. Schisst mi recht a dassi do mini Ziit verschwend, die Wuche wird mir nocher ade Ostkueste faehle =( muess jetzt mol chli joemmerle! im Moment schisst mi gad recht a dassi do bi (man, warum got me denn au sin jugend-flirt (oder wie me da mitm Pablo nenne mag :-)) nach Australie go bsueche ine Surfer-Ort?) Klar, wemmer surft isches do s`Paradies, es haet mega Wellene. aber Mensche wie ii wo nid surfed sind do nur glangwiilet.....de Peter ka eu e Lied vorsinge was heisst wenns mir langwiilig isch ;-) naja....da gits halt dass nid immer alles noch Plan lauft....Internet do isch mega tuer und PC`s funktioniered nid mol richtig...drum hani au bim beste Wille kei lust zum no meh foeteli ufelade im Moment! mag gad gar nix mache, will nur hai =( aber nid willi heiweh ha, sondern wills nid klappet! so, jetzt gnueg negativs....defuer hani bim Pab mis eigeni zimmer, da isch luxus pur =) sind no paar Winzer-Betrieb go aluege, mega grossi Keller, mit riese Gsteller voller Barriques. Aber alli us France, geht gar nicht =) So, i meld mi wieder weni mol e Internet-Cafi find wo e Stund nid 6 Dollar kostet....bruch suss scho mega Geld =)

macheds guet

von marlies-abroad um 06:55 | Kommentare (0) | Trackbacks (0)

Gester hani mir en Bus gschnappt und bi noch Cervantes zude Pinnacles (da sind so Felsformatione ide Wuesti) gfahre...isch mega schoen gsi doete. Fotis folged denn no morn oder so, weni gad ziit ha =) jetzt hetti mol ziit, bi aber amene Mac...und isch da zuu kompliziert. de Verkauft vo Macs soettme verbuete =) jo, huet bini wieder mitem Bus zruggfahre und im gliiche Hostel wie vorher, aber dasmol imene Frauezimmer =) Morn hocki wieder Stunde in Bus und fahr zum Pablo, bi gspannt uf sies Hus und so... Hei, isch nad nix intressants los ide Schwiiz? Jedes mol weni de Blick online alueg isch d`Hauptschlagziile ueberd Britney Spears oder de Baschi. Uf jede Fall nix politischs oder nid uberd UBS...nur Klatsch und Tratsch wo niemmert intressiert... Fuer alli wo sich Sorge waegem Zyklon do ade Westkueste mached: nee, de isch nid bi mir, bi viel wiiter im Suede...muend also kei Angst ha =)

von marlies-abroad um 13:58 | Kommentar (1) | Trackbacks (0)

Au jo, schribed mir bitte kei SMS uf mini normal Handynummere. Ha jetzt e australischi, willme viel telefoischi Buechige mache muess und so...do isch mini nr: 0061 4205 6430 3

I ha kai ahnig oebs klappet wenner mir uf die Nr. schribed =)

von marlies-abroad um 05:05 | Kommentare (0) | Trackbacks (0)

De Usflug isch super gsi.....ka leider kei bilder ufelade, de Mac isch immer nonig bruuchbar :( en Hollaender wo mit mir im Zimmer isch, isch gad spontal mitko...denn haemmer velos gmietet und sind go schnorchle, isch e extrem schoeni insle :-)

Bi im Hostel irgendwie imene Maennerzimmer glandet, bi mit 6 Maenner iemene 8-er Zimmer...aber isch no witzig: d`Unordnig imene Frauezimmer isch duetlich grosser...=)

A ali wommer Mails schriibe: viele, viele dank! Aber im moment kani wuerklich niemertem zruggschriibe, ha sooo viel anders zum mache =) Aber i paar Taeg gsehts denn kli besser us, go zum Pablo & Famili nach Margaret River und doete nimmi mir denn mol kli zit zum nid viel mache :-)

von marlies-abroad um 04:59 | Kommentare (0) | Trackbacks (0)

Hallo I ha eigentlich uuu viel zum verzelle, aber i beschraenk mi uf paar Sache... Gester bini a mim letschte Tag in Auckland, City of Sails, go segle....haet no paar wohri Saegler ufem Boot ka wo voll begeisteret gsi sind...woni denn gseit ha dassi vode Schwiiz bi, haends nuemme so freud ka :-) Mir haend ene jo de America`s Cup gstohle, hihi =) Und vor 2 Taeg hani mis erste Rugdby-Game glueget, da isch jo en primitive Sport :-) isch aber sehr lustig gsi, halt voll neu. 10 Maenner wo uf eim Huufe liegged und umen Ball kaempfed :-) d`Stimmig isch aber nid so guet wie bimene Fuessballspiel, will d`Fans nid trennt sind...me stoht gad nebed em Fan vom andere Team, denn singets kei Lieder und mached kum Wellene...lasch :-) Huet bini de erst Tag in Australie, de Flug isch meh oder weniger guet gange, bi ueber Sydney gfloge. Ha bim Umstige no min Pass im Flugzueg vergesse, denn hani kli en Stress ka zum de Aschlussflug z`verwuetsche.....isch aber doch no alles guet gange :-) Do in Perth haets huet 28 Grad, also schoen warm =) Im Flugzueg isch no ein vo Amerika nebed mir ghocket, er schaffed do ab und zue binere Pharma-Bude. Isch sehr praktisch, er haet e Auto gmietet (sprich sini Firma zahlt alles, Hotel, Esse, eifach alli Spese)...jetzt treffed mir ues morn, koemer mitem Auto d`City go aluege. und i ha mis Hostel nid muese go sueche, er haet mi gad heregfahre...so e moderns Auto hani no nie gseh, alles isch elektronisch! I muess glaubs no e Foti mache, da isch echt schraeg gsi :-) Jaa...da isch min erste Idruck gsi...morn goni villicht noch Rottnest Island...und die rosarote Voegel (Kakadu) wo d`Sarina do entdeckt haet hani au scho gseh =) Fotis gits bim noechste Mol wieder, bi jetzt gad amene iMac. Do kunnt jo au kein Mensch druss wie die funktionieret, gseht nur schoen us :-) Au jo, bi denn jetzt nuemme 12 Stund vo eu entfernt, sind nur no 8 oder 9. Bi de Schwiiz scho wieder bitz noecher :-)

von marlies-abroad um 13:46 | Kommentare (0) | Trackbacks (0)

Haet irgendoeppert gwuesst dassme in Wales (Prinz Charles...) e eigeni Sproch redet? :-) Also ii noed! Anschinend isches nid aehnlich zunere andere Sproch,es toent aber extrem lustig :-)

von marlies-abroad um 20:17 | Kommentare (0) | Trackbacks (0)

Huet bini in Rotorua, da isch e Stadt wo uf `vulkanischem Gebiet` isch...dementsprechend stinkts do au =) noch Schwefel und fuule Eier...defuer haets ide Stadt Paerkt mit so `Fluessigkeitsloecher` wo blubbered....Wasser nenni da noed =)

Mehr Fotos sind unter Vulkan zu finden...

von marlies-abroad um 08:09 | Kommentare (0) | Trackbacks (0)

Am zweitletschte Tag uf de Suedinsle bini no zum Mount Cook...leider ischs recht bewoelkt gsi, denn haet me nid sooo viel vom hoechste Berg (unter 4000 m) in Neuseeland gse...bi kli go umelaufe

von marlies-abroad um 08:04 | Kommentare (0) | Trackbacks (0)

Bi wieder kli umecho und ha Zuegs zum verzelle :-)

VOr 3 Taeg bini ufd Nordinsle gfloge (zum Zit spare en Flug, isch aber billiger als ufem Landweg =))...denn hani am Flughafe voll 25 kg Gepaeck ka! I weiss gar nid wie da zustand ko isch, bi chum go laedele....also bim haerefluege hani no 19 Kilo ka, da isch mir echt e Raetsel :-) Naja, denn hani halt 5 Dollar fuer jedes kg muese zahle, da isch jo im Verglich mit anderne Fluggsellschafe e absoluts Schnaeppchen! De Flug isch nur 45 Minute gange, also nix grossartigs =) Bi vo Christchurch (doet bini no schnell mini alte Klassegspaenli go bsueche...) nach Wellington, id Hauptstadt gfloge...woni acho bi hani mis Hostel nid gfunde, denn hani eine gfroget, en Kreditkarteverkaeufer vode American Express :-) hanem gad no muese erklaere um wie viel besser Visa und Master sind =) nocher haet sich no usegstellt, dasser er Rapper isch (mir sind no was go trinke...). Denn hani denkt: aha, da isch also de Grund warum er no schneller redet als alli andere bis jetzt :-) d`Haelfti hani nid verstande wanner mir haet welle verzelle....bi denn also froh gsi zum schnell wieder heizcho :-) bi nur 1 Nacht doete gsi, isch aber gliich e schoeni Stadt....direkt am Meer halt :-)

von marlies-abroad um 07:50 | Kommentare (0) | Trackbacks (0)

Die hend eifach e friedlichs laebe, sind nur am umeligge =)

von marlies-abroad um 03:41 | Kommentare (0) | Trackbacks (0)

Mir haend no en Stop gmacht bi de erste Bunge-Brugg vode Welt und haend zuegluegt wies abegsprunge sind. bi jedes mol froh gsi, dass i nid doet obe stoh :-)

von marlies-abroad um 03:36 | Kommentare (0) | Trackbacks (0)

Heiei...bi huet imene recht kaff, me ka nid viel mache....drum hani jetzt wieder kli ziit fuers internet :-)

Isch also nid soooo spektakulaer fuer de Priis wome zahlt =)

von marlies-abroad um 03:32 | Kommentare (0) | Trackbacks (0)

Vor 3 Taeg simmer no im Abel Tasman National Park (ide noechi vo Nelson) go wandere....ha jetzt no paar Bilder uf de andere Homepage (soferns funktioniert haet....)

von marlies-abroad um 08:20 | Kommentare (0) | Trackbacks (0)

Gester simmer en ganz Tag ufem Gletscher go wandere. I cha kum meh Staege laufe, ha extrem Muskelkater. Aber es haet sich wuerkli glohnt,  trotz de koerperliche Astrengig (Krampf im Oberschenkel und 8 Stund kei WC...=))! d`Ussicht und s`Wetter sind eifach super gsi. Leider hani mini Kamera nid greiniget, jetzt haets fast ueberall en schwarze Tupf uf de Foeteli :-(  Sind mitere Gruppe vo 11 Persone und eme Fuehrer go umelaufe ufem Gletscher, isch richtig abenteuerlich gsi. Mir sind zwuesched Gletscherspalte gloffe, bisch nocher recht nass gsi wlls zum Teil so eng gsi isch dassd Iswand beruehrt haesch, die isch logischerwiis gad gschmolze :-) aber mir sind super usgruestet worde mi Wanderschueh, Steigise, Kappe, Haendsche sowie e Regejacke.

Isch echt mega imposant gsi...aber wuessed er wa schraeg isch? de Gletscher isch am wachse! Mir haends Problem dass ues wegschmelzed und do ischer am wachse =)

Wa mega faszinierend gsi isch: de Gletscher isch zwuesched 2 Berge, wo aber mit Wald bewachse sind. Bisch also im Eis und Schnee, aber rundum haets gruene Wald :-)

Da isch uese Fuehrer gsi. Mir haend nochem erste, sehr steile (Stufe wo en halbe Meter hoch sind) Ufstieg immer Pausene ka, will de Fuehrer en Weg muese haet sueche. Und mit sim Pickel haet er denn Stufe is Is gmeislet, wos noetig gsi isch....

Mini Reisepartnerin ide letschte 5 Taeg (aber i 2 Taeg trenned sich uese Weg wieder..): Christine, Studentin aus Deutschland

d`Wartepause haemmes ues mit foetele vertriebe =) Ha mis Bei no am Is ufgschuerft, isch zum Teil no recht scharf gsi. Sind paar mit offne Knue wieder vom Gletscher abecho :-)

Ha no paar Fotis meh unterm Link woni eu ageh ha....wuer gern no meh ufelade (link), aber es got mir z`lang...ha kei ziit =)

von marlies-abroad um 07:25 | Kommentare (0) | Trackback (1)

No paar Bilder wommer mit de Gondle uf de Huegel sind...

Au jo, da sind no 2 Schwiizer woni in Christchurch ade Bushaltestell kenneglernt ha. Has hinter mir ghoert Schwizerduetsch rede, do hani eifach muese mit ene afange rede =) Isch no lustig, de rechts (wo sicher kei freud haet dassi da foti is internet gstellt ha...) kunnt au us de Ostschwiiz...irgend e Dorf fast am Bodesee wo e schloss haetr...jetzt fallt mir aber s`gnau Ort noed i....=) de ander isch krankepfleger, haet mi gad au erstuunt. eine kunnt fast vom gliiche fleck ide schwiiz und de ander haet de gliich bruef wie min fruend :-).

von marlies-abroad um 03:53 | Kommentare (0) | Trackbacks (0)