marlies abroad.....

Jo, bi go Formel 1 luege =) ha Glueck ka,e paar Suedafrikaner vo mim Hotel sind gad au gange, denn hani mi ene koene ahenke...suss hetti de Waeg zude Rennstrecki nid mol gfunde i daere Stadt ;-) s`renne selber isch nid sehr intressant, aber mega faszinierend! do gseh me mol, wie krass schnell die sind....me gseh eifach s`auto e paar sekunde a eim verbiizueche miteme mega laerm! ja...also ticket kaufe isch kei problem gsi, anschinend isch de GP do nuemme so polulaer...es haet 99 dollar kostet, findi human. s`renne isch am halb 4i gsi, bis denn haemmer ues ziit vertriebe mit bier trinke (es isch wie openair, eifach motor stadt musik) und umelaufe...es haet no toeffrenne ka und die autos wo de marc fahrt....und d`airforce haet au no e show bote, aber nix vo dem haet mi intressiert =) eigentlich doof, i go anen alass wo mi hine und vorne nid gross intressiert, eifach wills trotzdem faszinierend isch =) schwierig zum da erklaere =) es isch aber 37 grad gsi, wieder extrem heiss....aber mag mi nid beklage, schliesslich hani wenne ine `warms` land =)

und nei, die suedafrikaer sind alli wiis gsi (i weiss dass die frog cho wuerd ;-))...und um einiges aelter als i...also eine isch 35gi, de ander 40gi mit sim vater (78 und no fit im schritt) und no en iheimische 26joehrige vo melbourne, de haet ues kli umegfuehrt .isch aber en geniale nomi gsi, ha nur s`ticket zahlt, de rest haends alles spendiert. und/weil: ha zum erste mol i mim laebe e platinum kreditkarte gseh =) und i schaff ufere bank =) sprich i ha nid mol e schlechts gwuesse ka, die haend mit geld um sich gworfe!

und jo....huet obig fahri mitem nachtbus nach sydney, doet bini denn e wuche...und denn kunnt d`sandra us duetschland (mini internetbekanntschaft =)) und mir mietet de camper zum noch cairns fahre! freu mi =)

au jo: erinnered er eu a de saudi-araber mitem bart? de schickt mir doch tatsaechlich die ganz ziit propaganda-mails waegem krieg am gazastreife, amis, mohamend und so scheisse! da kani gar nid ha so sache! jetzt weissi warum i kei guets gfuehl ka ha bi em....unglaublich,da regt mi gad uf (und es brucht relativ viel zum mi richtig ufrege...)

mi schissts a zum e mail schribe, drum e oeffentlichi nochricht ad irene oder oepeprt vode bank:

kasch mir bitte de genau betrag vo de letschte kreditkarteabrechnig ageh? aber wuerkli genau, mit rappe =) danke schoen

von marlies-abroad um 01:31 | Kommentare (0) | Trackbacks (0)

Hallo =) zerscht mol da wo alli froget: jo, mir gots guet =) danke

so, ha Adelaide verloh, es isch mir eifach zuuu heiss gsi. bi gad i die laengst hitzewelle vo adelaide cho, es isch no nie vorher soooo heiss gsi, so viel taeg anenand. 40 grad jede tag isch mir eifach zu viel des guten =) ha d`great ocean tour gmacht i 3 taeg, also mit sonere tour...isch mega schoen gsi! leider hani aber die schlecht agwohnheit dassi ueberall schlofe ka, denn bini immer verschlofe im bus und ha d`landschaft nid immer choene aluege =( naja, so bini halt (e riiiese schlofmuete =))

jetzt bini in melbourne...stadt schiint sehr schoen z`sii. ABER: haet irgend en mensch gwuesst dass da wucheend grand prix isch in melbourne?? man, i doch nid!! drum hani kei unterkunft gfunde..2 englaenderinne vode tour sind aber so nett gsi und haend mi ufgno, sie haend e vorigs bett ka im hotelzimmer. jetzt zahli halt recht viel fuer e nacht, meh als doppelt so viel wie normal...aber wenigstens hani e bett =) hammer scho en plan usdenkt falls i nix ha zum schlofe: gepaeck ischluesse, jedi nacht duremache und am tag irgendwo im park pfuuse =)

morn isch also s`finale...formel 1 findi eigentlich en doofe sport, aber i lueg jetzt trotzdem dassi e ticket ueberkum zums go luege. schliesslich isch me nid jede tag in melbourne und gseht e formel 1 renne =) mol guegsle oebs klappet! ja...jetzt bliibi paar taeg do, nocher nimmi en nachtbus und fahr noch sydney...blib nid gern zuu lang a eim ort, wird mir schnell langwiilig =)

und zudem hani viiiiel z`viel ikauft (i und min guete vorsatz zum nid allzu viel laedele, haha =) has eigentlich selber nid glaubt...) jedefalls hani scho e handgepaeck meh muese kaufe und in sydney schicki denn paar sache hei....es git eifach so super kleider do =) min rucksack platz bald....aber da isches wert =)

uebrigens danke fuer alli mails, freut mi immer zum was ghoere!

nachtricht a mini wiiber: suuper, danke an joerg fuers oktoberfest =) freut mi mega!

wa lauft denn mit openairs dajohr??

von marlies-abroad um 11:47 | Kommentare (0) | Trackbacks (0)

 A daem Tag hani wuerkli kaempft zum stoh ufem board, mis Knue isch meh als instabil gsi :-( Aber es haet gliich klappet!

surfe isch uebrigens super gsi =) i liebs! Leider bini jo nur 3 taeg gsi, und am este nomittag bini uf mis agschlage Schlittelunfall-Knue keit! s`wasser isch abe nid so tuef gsi, nur huefthoch...sprich bi uf de sand keit...ha am obig kum meh koenne laufe, bimmer vorcho wie e 90 joehrigi. aber willi da problem vom tschutte immer wieder ka ha, hani gwuesst wie improvisiere: fixierig mit wc-papier und kli verband =) ha doch nid so en grosse verband debi zums knue richtig fixiere....haet aber super klappet, am noechste morge hani fast wieder normal koenne laufe...aber zum surfe ischs nid so toll gsi...und zudem haet me sich mega schnell verbrennt ide sunne, denn hani denkt: oke, denn bruchi mega viel sunnecreme. s`resultat: am nomittag haend mini auge mega brennt dassi nuemm guet gseh ha =(

am dritte tag haet denn defuer alles klappet :D alle guten dinge sind 3 :-)

mir haend au doete im Camp gschlofe und gesse, super gsi...kli party am obig =) aber am morge am 7bni simmer scho ufgstande will am morge d`welle und sunne besser isch...

surfe werdi definitiv vermisse ide schwiiz, es isch eifach kuul =) muess wieder mol go snowboarde...by the way

Da isch min elegante Delphin-Fall gsi =)

von marlies-abroad um 04:52 | Kommentare (0) | Trackbacks (0)

hallo er ide kalte schwiiz =)

i bi jetzt in Adelaide, bi 2 Taeg im Zug gsi....ziit isch mega schnell verbigange, am tag hani kli usem fenster gluegt und gredet..und am obig DVD`s gluegt (en Belgier haet sin Lap debi ka...) und isch no lustig gsi: ide erste stunde hani mi glangwiilet, denn bini go umezueche...do hani gad gseh wie er en DVD uspackt, denn hani gfrogt oeb i au cha mitluege...und jo, denn haet sich usegstellt dass er au en banker, sprich en stockbrocker isch =) ha scho soo viel bankluet troffe do =)

jetzt bini in Adelaide e paar Taeg..bi do binere usgwanderete Famili us Berneck =) also de Vater vom Husherr (namemns Hans ;-)) haet mol bi ues ide Kueferei gschaffet...und wo de Hans s`letscht mol in Berneck gsi isch, sin Paps go bsueche haeter gseit i soell doch verbicho..und do bini jetzt :-) es isch super do, mached usflueg. e klises ABER: es isch jede Tag fast 40 Grad!!! fuer mini verhaeltnis isch da e bitzli zuuu viel des guten =) sunne isch so krass....

bi jetzt mitem Michael (Sohn vom Hans, gliich alt wie ii) am umezueche...sind in Usgang und jetzt gad binere kollegin vo em. isch no lustig wemmer kli mit iheimische ka rede und zaeme sii anstall immer nur mit anderne reisende =)

Leider kumi immer weniger dezue zum itraeg schriibe....aber i hammer vorgno zum alli mol ilade zum australie-obig, denn kani meh verzelle :D kauf mir denn do no e kochbuech, git mega feine Pies und Pasties (eifach so gebaeck-Zuegs) do :-) Australien-Abend in Berneck =) au jo, falls oeppert en bestimme Souvenir-Wunsch haet, muenders halt saege :D

von marlies-abroad um 04:45 | Kommentare (0) | Trackbacks (0)

Mini Kamera nervt mi zwor mega, will sie `innerlich` verstaubt isch und i do niemert find wo e objektiv reinig =( aber trotdem ladi mol no paar bilder do ufe..

Die sind vo Rottnest Island...

Und da isch e Quokka =) has sogar koenne striichele...

Sonnenuntergang vor mim Hostel =)

von marlies-abroad um 09:33 | Kommentare (0) | Trackbacks (0)

Has mol gschafft zum paar foeteli uf die ander page lade....isch extrem lasch do im Margaret River und es isch unmoeglich zum wiitergo nach Albany und Esperance ohni Mierauto =( sprich min Reiseplan got nid uf...go zrugg uf Perth und vertrieb doet mini Ziit bisi mitem Zug nach Adelaide fahre ka inere Wuche. Schisst mi recht a dassi do mini Ziit verschwend, die Wuche wird mir nocher ade Ostkueste faehle =( muess jetzt mol chli joemmerle! im Moment schisst mi gad recht a dassi do bi (man, warum got me denn au sin jugend-flirt (oder wie me da mitm Pablo nenne mag :-)) nach Australie go bsueche ine Surfer-Ort?) Klar, wemmer surft isches do s`Paradies, es haet mega Wellene. aber Mensche wie ii wo nid surfed sind do nur glangwiilet.....de Peter ka eu e Lied vorsinge was heisst wenns mir langwiilig isch ;-) naja....da gits halt dass nid immer alles noch Plan lauft....Internet do isch mega tuer und PC`s funktioniered nid mol richtig...drum hani au bim beste Wille kei lust zum no meh foeteli ufelade im Moment! mag gad gar nix mache, will nur hai =( aber nid willi heiweh ha, sondern wills nid klappet! so, jetzt gnueg negativs....defuer hani bim Pab mis eigeni zimmer, da isch luxus pur =) sind no paar Winzer-Betrieb go aluege, mega grossi Keller, mit riese Gsteller voller Barriques. Aber alli us France, geht gar nicht =) So, i meld mi wieder weni mol e Internet-Cafi find wo e Stund nid 6 Dollar kostet....bruch suss scho mega Geld =)

macheds guet

von marlies-abroad um 06:55 | Kommentare (0) | Trackbacks (0)

Gester hani mir en Bus gschnappt und bi noch Cervantes zude Pinnacles (da sind so Felsformatione ide Wuesti) gfahre...isch mega schoen gsi doete. Fotis folged denn no morn oder so, weni gad ziit ha =) jetzt hetti mol ziit, bi aber amene Mac...und isch da zuu kompliziert. de Verkauft vo Macs soettme verbuete =) jo, huet bini wieder mitem Bus zruggfahre und im gliiche Hostel wie vorher, aber dasmol imene Frauezimmer =) Morn hocki wieder Stunde in Bus und fahr zum Pablo, bi gspannt uf sies Hus und so... Hei, isch nad nix intressants los ide Schwiiz? Jedes mol weni de Blick online alueg isch d`Hauptschlagziile ueberd Britney Spears oder de Baschi. Uf jede Fall nix politischs oder nid uberd UBS...nur Klatsch und Tratsch wo niemmert intressiert... Fuer alli wo sich Sorge waegem Zyklon do ade Westkueste mached: nee, de isch nid bi mir, bi viel wiiter im Suede...muend also kei Angst ha =)

von marlies-abroad um 13:58 | Kommentar (1) | Trackbacks (0)

Au jo, schribed mir bitte kei SMS uf mini normal Handynummere. Ha jetzt e australischi, willme viel telefoischi Buechige mache muess und so...do isch mini nr: 0061 4205 6430 3

I ha kai ahnig oebs klappet wenner mir uf die Nr. schribed =)

von marlies-abroad um 05:05 | Kommentare (0) | Trackbacks (0)

De Usflug isch super gsi.....ka leider kei bilder ufelade, de Mac isch immer nonig bruuchbar :( en Hollaender wo mit mir im Zimmer isch, isch gad spontal mitko...denn haemmer velos gmietet und sind go schnorchle, isch e extrem schoeni insle :-)

Bi im Hostel irgendwie imene Maennerzimmer glandet, bi mit 6 Maenner iemene 8-er Zimmer...aber isch no witzig: d`Unordnig imene Frauezimmer isch duetlich grosser...=)

A ali wommer Mails schriibe: viele, viele dank! Aber im moment kani wuerklich niemertem zruggschriibe, ha sooo viel anders zum mache =) Aber i paar Taeg gsehts denn kli besser us, go zum Pablo & Famili nach Margaret River und doete nimmi mir denn mol kli zit zum nid viel mache :-)

von marlies-abroad um 04:59 | Kommentare (0) | Trackbacks (0)

Hallo I ha eigentlich uuu viel zum verzelle, aber i beschraenk mi uf paar Sache... Gester bini a mim letschte Tag in Auckland, City of Sails, go segle....haet no paar wohri Saegler ufem Boot ka wo voll begeisteret gsi sind...woni denn gseit ha dassi vode Schwiiz bi, haends nuemme so freud ka :-) Mir haend ene jo de America`s Cup gstohle, hihi =) Und vor 2 Taeg hani mis erste Rugdby-Game glueget, da isch jo en primitive Sport :-) isch aber sehr lustig gsi, halt voll neu. 10 Maenner wo uf eim Huufe liegged und umen Ball kaempfed :-) d`Stimmig isch aber nid so guet wie bimene Fuessballspiel, will d`Fans nid trennt sind...me stoht gad nebed em Fan vom andere Team, denn singets kei Lieder und mached kum Wellene...lasch :-) Huet bini de erst Tag in Australie, de Flug isch meh oder weniger guet gange, bi ueber Sydney gfloge. Ha bim Umstige no min Pass im Flugzueg vergesse, denn hani kli en Stress ka zum de Aschlussflug z`verwuetsche.....isch aber doch no alles guet gange :-) Do in Perth haets huet 28 Grad, also schoen warm =) Im Flugzueg isch no ein vo Amerika nebed mir ghocket, er schaffed do ab und zue binere Pharma-Bude. Isch sehr praktisch, er haet e Auto gmietet (sprich sini Firma zahlt alles, Hotel, Esse, eifach alli Spese)...jetzt treffed mir ues morn, koemer mitem Auto d`City go aluege. und i ha mis Hostel nid muese go sueche, er haet mi gad heregfahre...so e moderns Auto hani no nie gseh, alles isch elektronisch! I muess glaubs no e Foti mache, da isch echt schraeg gsi :-) Jaa...da isch min erste Idruck gsi...morn goni villicht noch Rottnest Island...und die rosarote Voegel (Kakadu) wo d`Sarina do entdeckt haet hani au scho gseh =) Fotis gits bim noechste Mol wieder, bi jetzt gad amene iMac. Do kunnt jo au kein Mensch druss wie die funktionieret, gseht nur schoen us :-) Au jo, bi denn jetzt nuemme 12 Stund vo eu entfernt, sind nur no 8 oder 9. Bi de Schwiiz scho wieder bitz noecher :-)

von marlies-abroad um 13:46 | Kommentare (0) | Trackbacks (0)

Haet irgendoeppert gwuesst dassme in Wales (Prinz Charles...) e eigeni Sproch redet? :-) Also ii noed! Anschinend isches nid aehnlich zunere andere Sproch,es toent aber extrem lustig :-)

von marlies-abroad um 20:17 | Kommentare (0) | Trackbacks (0)

Huet bini in Rotorua, da isch e Stadt wo uf `vulkanischem Gebiet` isch...dementsprechend stinkts do au =) noch Schwefel und fuule Eier...defuer haets ide Stadt Paerkt mit so `Fluessigkeitsloecher` wo blubbered....Wasser nenni da noed =)

Mehr Fotos sind unter Vulkan zu finden...

von marlies-abroad um 08:09 | Kommentare (0) | Trackbacks (0)

Am zweitletschte Tag uf de Suedinsle bini no zum Mount Cook...leider ischs recht bewoelkt gsi, denn haet me nid sooo viel vom hoechste Berg (unter 4000 m) in Neuseeland gse...bi kli go umelaufe

von marlies-abroad um 08:04 | Kommentare (0) | Trackbacks (0)

Bi wieder kli umecho und ha Zuegs zum verzelle :-)

VOr 3 Taeg bini ufd Nordinsle gfloge (zum Zit spare en Flug, isch aber billiger als ufem Landweg =))...denn hani am Flughafe voll 25 kg Gepaeck ka! I weiss gar nid wie da zustand ko isch, bi chum go laedele....also bim haerefluege hani no 19 Kilo ka, da isch mir echt e Raetsel :-) Naja, denn hani halt 5 Dollar fuer jedes kg muese zahle, da isch jo im Verglich mit anderne Fluggsellschafe e absoluts Schnaeppchen! De Flug isch nur 45 Minute gange, also nix grossartigs =) Bi vo Christchurch (doet bini no schnell mini alte Klassegspaenli go bsueche...) nach Wellington, id Hauptstadt gfloge...woni acho bi hani mis Hostel nid gfunde, denn hani eine gfroget, en Kreditkarteverkaeufer vode American Express :-) hanem gad no muese erklaere um wie viel besser Visa und Master sind =) nocher haet sich no usegstellt, dasser er Rapper isch (mir sind no was go trinke...). Denn hani denkt: aha, da isch also de Grund warum er no schneller redet als alli andere bis jetzt :-) d`Haelfti hani nid verstande wanner mir haet welle verzelle....bi denn also froh gsi zum schnell wieder heizcho :-) bi nur 1 Nacht doete gsi, isch aber gliich e schoeni Stadt....direkt am Meer halt :-)

von marlies-abroad um 07:50 | Kommentare (0) | Trackbacks (0)

Die hend eifach e friedlichs laebe, sind nur am umeligge =)

von marlies-abroad um 03:41 | Kommentare (0) | Trackbacks (0)