marlies abroad.....

da isch no en itrag woni vor paar taeg nid koenne ha online stelle (sch technik :-)):

Bi jetzt in Cairns, also ade Endstation vo minere Reis….morn muemer leider de Camper abgeh, muend huet alles packe L frog mi jetzt scho wieni alles gepaeck heibring! Mir haend ues jetzt scho so iglebt im camper, isch richtig schad dassmer en nid no laenger koend bhalte, isch jo uses dehei gsi de letscht monet!

Ja…wa kani no so verzelle? Isch sooo viel, weiss amel gar nie wo afange! Gest obig haemmer no e BBQ am strand gmacht mit paar dehergloffne australier…huet simmer no in Zoo gange, jetzt hani au mol no Krokodil gseh! Anschinend isch I dem vorort wommer gester gschlofe haend e wuche vorher gad en hund vomene kroki gesse worde. Und am strand wommer gsi sind ischs au nid wuerkli gmuetlich, me ka I someone netz schwimme womme vo Hai, Qualle und Krokis soetti gschetzt siii….aber wemmer die viele Warntafle aluegt machts ueberhaupt kein spass zum I da netz go schwimme go! 3 todesgfahre uf eim huufe!

Gester simmer au no I sone Aboriginal-Center gange, haend no was ueber Kultur glernt und en Boomerang bemolt! Min isch nid mol sooo gruesig worde wieni erwartet ha J hani scho verzellt dassmer au mol Didgeridoo koenne haend usprobiere zum spiele? Es isch faszinierend, die schnufed gliichzitig durch d`nase ii und loend luft usem muul…aber gliichziitig, ohni unterbrechig! Da isch nid ganz normal, aber anschinend kammes trainiere J

Boa, sind jetzt scho sitere stund am fotene und musig brenne (yes, I bring eu exklusivi australischi musig hei J)…und die meiste PC`s in australie sind eifach nid 100% funktionstuechtig L Aber zum glueck hammer jo ziit J

von marlies-abroad um 09:07 | Kommentare (0) | Trackbacks (2)

De Tauchkurs uf Magnetic Island hani bestande, juhuu :-) ha zwor bim 1. Tauchgang bitz Problem mit de Ohre ka, isch denn aber am noechste Tag wieder verbii gsi - zum Glueck. Tauche isch super, ha jetzt die Bestaetigung personelich :-) Go in Cairns uf jede Fall nomol uf en Tauchusflug....und go schnorche! Ja....sind gad i somene Aboriginal-Dorf, isch en Markt do...und ha natuerlich wieder sooo viel Geld usgeh, es nimmt kein Ende :-)

Unglaublich, bitz meh als e Wuche no, denn bini scho wieder dahai. Hoffentlich ischs Wetter guet weni heichum, suss hani en Hitzeschock. Do in Cairns isches mega tropisch, ueberall haets Palme und Regewald...dementsprechend druckend heiss isches, aber i find super :-) De Camper muemer in 3 Taeg in Cairns abgeh...haend no verlengeret ume paar Taeg...haend jetzt no vor zum inen Zoo go und ine Aboriginal-Show, also no was Kulturells :-)

Freu mi jetzt wuerkli zum heicho....isch schoen do, aber d`Schwiiz und s`Rhintal haet au sini vorzueg :-) zum Bispiil BROT! jo, richtigs Brot :-) Aber defuer gits do Pies...muess aber no Krokodil probiere, da isch eis vo mine letzt `must-do`s in OZ :-)

bis bald

von marlies-abroad um 11:20 | Kommentare (0) | Trackbacks (0)

G`day mate! (Ab jetzt wird nur no Australisch gredet, mate :-))

I wuensch dir alles, alles gueti zum 22. Geburtstag! Heiei, scho wieder e Johr aelter, altes Haus! Ha extra fuer di en Koralle-Kueche backe am Strand vo Magnetic Island :-) Hanen sogar probiert, schmeckt super sandig :-) Aber dis richtige Gschenk haesch jo scho vor 2 Moenet ueberko, und no e anders Gschenk kunnt am 1. Mai am Flughafe in Zueri a...:-)

Also min Schatz (aber da wird jetzt uf OZ-Slang uebersetzt: babe, mate oder hon ;-)), bliib so wied bisch und denk a de Ribeltasse-spruch woni dir scho zum 16. Geburtstag gseit ha: laechle, solange du noch Zaehne hast :-)

von marlies-abroad um 10:47 | Kommentare (0) | Trackbacks (10)

Ha en Segeltrip zunere Insle vode Whitsundays gmacht. isch eifach super gsi! sind go schnorchle doete (leider mit somene taucherazug, wills toedlichi Qualle haet....ha aber keini gseh!) und an Strand, de isch fast wiis gsi und so fine sand hani no nie gseh ka!

ja....d`stimmig ufem boot isch au super gsi, viel intressanti luet :-) ide nacht haemmer dusse ufem deck gschlofe, da isch au mol was neus gsi :-) voll komisch wenns gstuermt haet....joo....und ufem heiweg simmer denn no ine gwitter ko, denn bini fast seekrank worde...aber zum glueck nur fast, defuer bini jetzt landkrank =) sprich i bi an land, aber min koerper oder mol min kopf wippet immerno hi und her =) komischs gfuehl!

uebermorn fangt denn min tauchkurs a, freu mi scho mega =) hoffentlich bestonis diplom!

wuer no gern meh verzelle, muess jetzt aber los is Pub :-)

wuensch eu rhintaler viiiiel spass ade RHEMA, mached kei seich :-)

von marlies-abroad um 10:40

Au jo, i hammer de Spruch nomol durch de Kopf goloh und bi ufs ergebnis ko: i will gar kein Regeboge, i will Sunne :-) so eifach isches, hihi =)

von marlies-abroad um 11:20 | Kommentare (0) | Trackbacks (0)

Ha leider gad nid choenne manage zums umdreihe....aber jo, so gsehnder de wetli und mi wieder mol :-)

haend die letschte 2 taeg no e surfboard gmietet, sind am morge am halb 6i (!!!) miteme australier woni am tag vorher bim surfe kenneglernt ha go morgesurfe! so frueh am morge wueri dahai NIE ufstoh nur zum go sport mache =) aber surfe isch so kuul, do lohnt sichs :-) sogar alli verletzige nimi uf mi: schuerfige a oberschenkel und unterarme und damol sogar en `wolf` vom laufe im dumme salzwasser mit mine surferhoesli :-). jetzt weissi au mol wie sich maenner im militaer fuehled nocheme marsch. aber die muends wenigstens nid im salzwasser traege...janu, wie gseit: surfe isch alles wert :-) de australier haet ues no super surftipps geh, haet immer gseit wenn e gueti welle kunnt. jump on your board, babe :-)

Nachricht an die 2 Canada-Hawaii-Reisenden: Koemed mir jo no vo Hawaii zrugg ohni dasser ufeme board gstande sind, verstande? :-) Uebrigens simmer huet dur e ort namens Sarina gfahre :-) ha paar lustigi foeteli...eifach ueberall isch Sarina gstande =)

huet simmer gad in Mackay, sind de ganz tag kli am beach gsi...und ha min erste kline sunnebrand igfange. da isch e gueti leistig wueri saege, fuer da dass australie so e krassi UV-Strahlig haet! jo..bald goemmer uf die noechst Insle, Whitsundays...

das wars wiedermal fuer ein weilchen :-) ha ghoert es schneit ide schwiiz? man, denn bini gad nomol froh dassi do sunne ha. verstrupfed zwor fast im auto waehrend em fahre, aber mol besser als fruere :-)

von marlies-abroad um 10:47 | Kommentar (1) | Trackbacks (0)

Hei, de vo Saudi Arabie haet mir wieder zuegs gschickt, untder anderem de spruch:

Everyone Wants To Be Happy.....
No Body Wants To Be in Pain.....

But You Can't Have a RAINBOW Without Any RAIN.....


Raystic

von marlies-abroad um 13:50 | Kommentare (0) | Trackbacks (0)

Ja...do bini jetzt wieder! Fraser Island isch wuerkli schoen gsi...e Insle ganz us sand =) sind miteme 4 WD umegfahre die ganz ziit....9 luet simmer ide gruppe gsi, paar englaender und paar girls us irland. haend choenne direkt am strand nofahre, da kamme suss au fast niene! und im `inland` isch alles regewald gsi! mega schoen! s`einzit woni nid sooo guet gfunde ha sind die unebene piste uf de ganze insle: haet mega schlagloecher und wasserloecher uf de fahrbahn! (i nenns jetzt nid stoss, schliesslich ischs eifach e spur us sand)...und min platz isch doch gnau z`hinderscht gsi, doet wos anschinen am meiste umeholperet! am erste tag ischs no lustig gsi, bisi mir denn e klini `verletzig` igfange ha, willi 15 centimeter bis zum dach gfloge bi mitem kopf....und mit kopfweh de gaaaanz tag isch reise nur halb so lustig :-(

Waehrend em tag haemmer no choenne inen see (lake McKenzie falls oeppert intressiert =)) go bade, ha no nie so en schoene see gseh! s`wasser isch so klar wie trinkwasser (und schmeckt au so ;-) --> i chamme jetzt vorstelle wieviel luet sich denked: typisch marlies, schmekt eifach a allem :-) saeged eifach nix, hihi) und es gseht gliich us wies meer :-)...dingos sind au no umegloffe, aber die hani eher nid so kuul gfunde...ha dahai scho en mega respekt vor huend und die ficher sind jo no wild! sie goend au ide nacht go esse stehle...also am 3. tag isch uese ganz fleischvorrut verschwunde gsi! aber mir wuesseds nid oebs en dingo oder e anderi camp-gruppe gsi isch =)

huet haemmer uesi autobatterie no muese ueberrbuecke, haend vergesse zums liecht usschalte! shit happens! zum glueck haet ues irgend en englaender gholfe, i weiss doch nid mol wie e autobatterie usgseht :-)

morn fahred mir wiiter ufe ade ostkueste....in paar taeg goemer ufd whitsundays, da isch wieder e insle :-) haend jetzt no kli weniger als 2 wuche bismer s`auto in Cairns muend abgeh...doet luege dassi no en tauchkurs ka mache, ha no 9 taeg doete bisi abflueg....zum surfe kumi glaubs leider nuemme do ade ostkueste, do isch bade unmoeglich weg de dumme qualle im wasser! :-( oder es haet stroemige! 

jo....wa kani suss no intressants verzelle? australier sind generell sehr nett und hilfsbereit. do koennted mir europaer ues no e schiibe abschnide :-)

von marlies-abroad um 13:17 | Kommentare (0) | Trackbacks (0)

Ab und zue gsehts so us :-)

Uesi entdeckig im Nationalpark (isch zum glueck nid giftig gsi, nur e wuergeschlane :-))

Und Wallabies sind au ueberall umeghuepf im NP =)

von marlies-abroad um 07:23 | Kommentare (0) | Trackbacks (0)

Hei, wa isch denn da fuer en Mister Schweiz?? I weiss jo noed...

Also, i go morn noch Fraser Island, blib 2 Naecht doete...werds Handy und so wiiter nid mitneh, meld mi also paar taeg noed :-)

Surfers mitem Wetli isch amuesant gsi...has aber mega komisch gfunde zum en irgendwo in australie treffe, unglaublich! isch aber echt schoen gsi zum e vertrauts gsicht wieder gseh, rhintaler dialekt rede und ueber luet und sache rede wommer beidi kenned =) aber us irgend eme grund hani kopfweh ka am noechste tag, i schiebs jetzt mol uf die schlecht rhintaler wirkig vom wetli :-)

Ja...ha eigentlich welle paar foeteli ufelade, aber de pc haet kein gschide USB-Aschluss. unglaublich, aber da gits huetzutags immerno :-) nei, ishc so e gamer-internetcafi, die bruched da jo au nie...alli um mi sind am komischi kriegsspiel game, am hellichte tag! struubi luet! au, wender no was lustigs ghoere? =) in Sydney hani mi anschinend im usgang vo somene fotograf (wie halt bi ues tillate) fotografiere loh...und e wuche spoeter isch da foti imene magazin gsi womme ka laese wa so lauft die noechst wuche :-) lustig, gell? und da hani nid selber gseh, willi scho wieder weg bi...aber en ami woni in neuseeland kenneglernt ha haets erkennt und mir e nochricht gschribe :-) d`welt isch scho klii :-)

Au, irgendwie haemmer nid mitueberko wenn ziitumstellig gsi isch! mir sind ueberall z`frueh gsi und haends nid gwuesst...drum haemmer ues gwunderet warum alli supermaerkt am 9i no zue haend...debi waers jo erst 8i gsi....isch echt komisch, haend kei ahnig wieviel taeg mit mit de falsche ziit umegloffe sind :-) au jo, haend denn er ide schwiiz d`uhr fuere oder hintere gstellt? i weiss, soett me eigentlich wuesse, aber i ha mi nie demit usenandgsetzt :-) isch immer s`mami wo da managed und seit wemme wa umstelle muess, hihi =)...uf jedefall vermuetet mir jetzt dass sich de ziitabstand au veraenderet haet....aber aebe, mir vermuetets :-) entwedet simmer 10 oder 12 stund vorus...komisch, do isch jetzt herbst und blaetter falled vode baeum, aber es isch immerno sunnig und warm...oke, sunnig ischs huet nid, haet mega gregnet! aber isch mir au mol recht, koemmer chli im hostel bliibe (die nacht muemer im hostel sii, willmer e tour nach fraser island mached) und chille...

so, i haus wieder mol, macheds guet :-)

von marlies-abroad um 07:04 | Kommentare (0) | Trackbacks (0)

Gugus =)

mues mi kuz fasse, internet isch wieder schweineteuer. bi in Surfers Paradise, treff huet de Wetli. Sind gad 2 Taeg im Lamington Nationalpark gsi, mega schoen gsi! Huet simmer is Sea World, haet Isbaere und Hai und so wiiter ka, sehr faszinierend :-) Bayron Bay haemmer jetzt au scho hinter ues...isch mega schoen, aber s`Nightlive isch sehr langwiilig, im Reisefuerer (L`Planet) isch ues einiges meh verproche worde!

au jo, en Ranger haet ues am morge no ufgweckt und weggjagt willmer am wildcampe gsi sind =) aber haend kei Buess muese zahle, da ischd hauptsach, hihi!

von marlies-abroad um 08:53 | Kommentare (0) | Trackbacks (0)

AAAlso...huet haemmer en Usflug noch Nimbin gmacht vo Bayron Bay us. Nimbin isch e Ort, wo vor einige Johr sich e paar Hippies agsiedlet haend...e klises Hippi-Paradies also, es isch bekannt defuer dassme doet ka Gras kaufe und dass die ganz Stimmig im Dorf Hippie-maessig isch. drum hammer denkt, es isch sicher lustig zum die luet doete mol gseh und so wiiter :-) Oke...denn haemmer zerscht mol de Weg nid richtig gfunde und sind mega ide Huegel umegfahre...durch Schlagloecher, haend fast en Hund ueberfahre, e Spinne ufem Auto ka und so wiiter :-) also scho d`herefahrt isch sehr spektakulaer gsi....und wommer denn doete gsi sind de hammer: mir haend gad s`agebot zum Weed-Cookies kaufe abgschlage...da isch gad vorem *Museum* vom Dorf gsi. es isch halt nur s`Mueseum vode Gschicht mitem Hanf, warum die Hippis gnau in Nimbin wohned, sprich wies doet haereko sind und so....Also, denn haemmer ues vorem Museum ueberleit oeb mir soelled inego...aber denn haemmer denkt, mir lueged zerscht no i alli Hippie-Laedeli ade stross. denn de hammer: mir sind 3 Meter weggloffe vom Muesum, do renned jenes Poliziste, usgruestet mir kugelsicherte Weste und allem drum und dra i da Museum ine. E grossrazzia mit ueber 50 Poliziste, haets anschinend no nie i dem usmass geh in NImbin. denn simmer uf e Bank ghocket und haend zuegluegt :-) Hammer, die sind mega schnell anegfahre und inegrennt! und 10 Sekunde vorher waehred mir fast inegange, denn waehred mir befrogt worde...will jo denn jede verdaechtigt wird zum doet in was z`kauft ha :-) Mensch, da isch Abenteuer pur gsi :-)

Ein Foto des Geschehens :-) mir haend wuerkli mega *Glueck* ka dassmer nid i da Zuegs inegrote sind....also klar, mir als Touriste - wo jo nix kauft haend und au nid dealed- waered scho ohni Problem wieder usecho...aber glich, lieber zueluege als befrogt werde :-) Drogerazzia live in Australia :-) und denn sind gad no paar Hippies (wo eiduetig ide 70er haengeblibe sind....) am `predige` gsi, dassmes kiffe soell legalisiere und so wiiter =) Struubs Dorf :-)

von marlies-abroad um 07:23 | Kommentare (0) | Trackbacks (0)

Da isch no uesi Route, dasser au wuessed wani no vorha....am 21. April muemer in Cairns de Camper wieder abgeh! und denn hani no ziit fuer en Tauchkurs bisi am 30. wieder heiflueg :-)

Essenszubereitung am Camper =)

Au, mir sind no im einzige Quala-Hospital vode Welt gsi! Mega herzigi Tierli :-)

von marlies-abroad um 08:28 | Kommentare (0) | Trackback (1)

So...jetzt hani mol wieder lust fuer en iitrag =) Bi jetzt gad in Bayron Bay, isch wuerkli mega schoen do....d`Fahr isch au kuul, sind jo mitem Camper unterwegs...bis jetzt haemmer immer mega glueck ka und haend a super ort koenne schlofe (mir goend nid uf Campingplaetz, mir zahled doch nid fuer en eifache Stellplatz fuers Auto =)) und jo...ide erste nacht haemmer ufeme Parkplatz gschlofe, nebed eme Strand-Restaurant. Super sach gsi,denn haemmer gad au no koenne doet was go trinke und mit Australier rede. da isch ueberigens mis neu Hobby: siit i in Sydney paarmol miteme Australier umezoge bi findi de Dialekt...sprich Australisch, sehr lustig =) muess immer lache weni die ghoer rede, isch eifach amuesant. Au jo, sind in Newcastle gsi....

jo..und am 2. tag in Nelson Bay (Teil von Port Stephens) hammer en fast perfekte Platz zum schlofe ka: en Parkplatz vomene Bowlingclub, 500 Meter vom Strand entfernt...Am Morge simmer denn gad als erstes go bade...wuerkli sehr en guete Tag in Start. Do haets bide meiste Straend no e Duschi dezue, isch eifach super...zwor sinds kalt, aber denn wird me umso meh wach =) und nochem bade simmer denn go Kanu fahre, haend so e klini Tour gmacht...got no recht id Arme =) und e schildkrot haemmer no gseh im wasser!

am 3. Tag in Port Maquiarie (schriibfehler =)) ischs denn eifach perfekt gsi: 50 Meter vom Strand entfernt...will ues paar Aussies agsproche haend haemmer gad nebed em Lifeguard-Huesli koenne parke, wos suss eigentlich verbote isch zum camoe...und denn haemmer nochem Morge-bade sogar die heiss Duschi koenne benutze :-) also bis jetzt haemmer mega glueck ka mit de Campingort.

und i ha sogar no paar foeteli vo Sydney:

Leider isch gnau a uesem Foti-Tag s``wetter nid so hammer gsi...aber wenigstens ischs nuemm so heiss wie in Melbourne und Adelaide....eher kli regnerisch, haet sicher 4 mol gregnet i mine 8 taeg do in Sydney...

S`opere-huus isch irgendwie iidruecklich, aber irgendwie au nid. es haet e komischi farb, kei schoes wiis..eher gelb...und d`inneirichtig isch zum devolaufe: eifach so normali tisch und stuehl...kei designerzuegs!i mein es isch mega bekannt fuers design,sogar s`WC isch voll stylisch! und denn haends eifach so normali tisch und komischi stuehl dine =)

Da bild isch vomene Walk zwuesched 2 Straend in Sydneu..Bondi und Coogee, falls oeppert gnau wuesse will =) Straend haend mi nid gad umghaue vor Schoenheit, sind halt Stadtstraend mit viiiiel luet....aber de Kuestestreife isch echt mega kuul gsi.

Au, und da bini n miteme IBIS =) klar, isch langwiilig, aber mini Mitarbeiter vode Alpha findets villicht genausolustig wie ii :-) die IBIS sind do ueberall und klaued esse. Sprich sogar do hani kei rueh vorem IBIS Desktop (die IBIS huepfed uf de tisch und bediened sich ade Essensrest :-)) Apropo Alpha: Ha no d`Info ueberd Plakat ueberko! I will nur mol allgemein festhalte: mir haend muese so haerestoh! jede Zentimeter vo uesne koerper isch genau nochem wunsch vom fotograf =)

von marlies-abroad um 07:54 | Kommentare (0) | Trackbacks (0)

Ha kli e schlechts gwuesse willi mi nid so flissig melde und uf mails antworte :-( I bi jetzt ehrlich: theoretisch hetti ziit zum foeteli ufelade und so wiiter....aber i ha absolut kei lust :-) und bide viele mails genauso, drum nomol: danke schoen dasser mir schribet, es macht mi aber noed a zum uf so viel zruggschribe :-) nid persoenlich neh :-)

von marlies-abroad um 01:05 | Kommentare (0) | Trackbacks (0)